Be-Karaan Tanhaayion

Be-Karaan Tanhaayion

Posted: 04/10/2014 05:30 AM IST
Be-Karaan Tanhaayion

Be-Karaan Tanhaayion

Be-Karaan Tanhaayion Ka Silsila Reh Jaaye Ga;
Tere Mere Darmiyaan, Bas Ik Khalaa Reh Jaaye Ga;

Aks Beh Jaayein Ge Saaray Dhoop Ke Sailaab Mein;
Aur Koi Paanion Mein Jhaankta Reh Jaaye Ga;

Mujh Ko Mere Hamsafar Aisa Safar Darpaish Hai;
Raasta Kat Bhee Gaya Tou Faasla Reh Jaaye Ga;

Log So Jaayein Ge Khamoshi Ki Chaadar Orh Kar;
Chaand Soonay Aanganon Mein Jaagta Reh Jaaye Ga;

Jo Kabhi Os Ne Parheen Theen Mujh Se Nasir Maang Kar;
Naam Mera Un Kitaabon Mein Likha Reh Jaaye Ga!

If you enjoyed this Post, Sign up for Newsletter

(And get your daily news straight to your inbox)

Written by 
Read 804 times Last modified on Thursday, 10 April 2014 05:30